TV-Winterwandrig im Hintrland vom Kanton Friburg
Di meistä Mitgliedr vom TV-Ittigo wohnunt in tiefä Lage und da zeigt sich dr Winter meist grau in grau und drzüä hets nu an vielnä Täg en Hochnäbldecki, da sinkt meistens leider öi d’Stimmig. Dr TV-Ittigo het dem wello entägowirko und het drum en wunderschöni Winterwanderig bim Schwarzsee organisiert.
Es ganzos duzont sind vom grosso Parkplätz bim Ispalast vom Schwarzsee gstartot. Begleitot vo dr rein kalt Winterluft iner Nasa und knirschondom Schnee under de Fiess siwer dr Wanderwäg richtig See embrüf glufo.
Ver einzälni liit isch dr Ablick vo Mänschä ufom Schwarzsee sehr befrämdlich gsi. Sobald d’Isdecki gnüäg stabil isch, isch dr züägfrornig See ver zum Schlittschüählöifu, ver Langlöifer und Spaziergänger offo. Dr Wäg ume See isch sehr gmietlich gsi und dr Üsblick vo Schneebedäckte Bäim und dom schönu Panorama trotz fehlendom Sunnoschii isch grossartig gsi.
Nah dr Hälfti heiwernisch mit mitgebrungonom warmum Tee üfgwärmt und si drna natrirli ufom See zrugglufo, was ächt es Highlight isch gsi. Bevor wer zrug zum Parkplatz si glufo, heiwer nu im Restaurant fein & sein ikehrt vert zämmo z’Mittagzässo. Wier hei de öi nu gat Spielini dr bi käh und hei di geminsami ziit in vollä ziig gignosso. Wier fröiä isch schu jetzt uf wiiteri so tolli Events, wo dr TV-Ittigo immer mit viel Härzblüät plant.
Vanessa
