Mitere Begrüessig bim Bahnhof z Worb hett üse Tag agfange. Mir si mitem Poschi nach Änggischtei gfahre u de isches de grad schtotzig los gange, über Schtock und Schtei miter erschtä Etappä vor Wanderig bis zur Ackerweid. Dört heimer üs dörfe ufwerme mitemne Käfeli und em Znüni. Nachemne Pöiseli und gmüetleche zämä si, heimer üs ufe Wäg gmacht zur Fäudpredigt (die wo hei wöue) und e Red hetts ou gäh ufemne Hügu mit schöner Ussicht. Aschliessend simer zur Ackerweid zrugg u hei üs öppis Feins ufem Grill gönnt.
Die zwöiti Wanderetappe isch gschtartet nachem feine Ässä und em gmüetleche zämä si über Schlosswiu bis nach Richige. In Richige acho, heimer spontan entschiede, dasmer grad bis nach Worb loufe, wos de witter mitem Zug gägä heizue gange isch. Ig persönlech has aus sehr e schöne Tag empfunde trotz Cheuti.
Aline
